福禄寿十周年演唱会 王祖蓝承诺努力造人
时间:2020-07-29 01:45
“福禄寿”组合踏入十周年,王祖蓝同阮兆祥讲到三兄弟走过十年唔容易时,都忍唔住喺台上眼湿湿,李思捷话自己都争啲畀佢哋搞喊:“但惊一喊就收唔到科,所以即刻啜番啲眼泪落去。”祖蓝就笑言:“因为我哋成立咗十年,经历咗好多嘢,所以点可以冇眼泪!”
祖蓝喺台上畀两位兄弟催生B,不过其后喺三子反串扮Handelababy、Hungry同大Ex讲“Girls’ talk”,已经娶咗处女党成员李亚男嘅王祖蓝亲自宣布现有嘅处女要解散,因为钟嘉欣已经生完再生,王君馨同岑丽香结咗婚等生,苟芸慧快将结婚想生,而讲到李亚男,祖蓝就扮晒喊咁口话:“佢老公唔系好得,唔知几时生!”认真百无禁忌。